曾蔭權道歉？

繼特首選舉爆出種種醜聞後，就連現任特首都爆出了貪污醜聞，不禁令人想起「天與地」中的一句說話，「政壇中，哪有一天不黑暗？」

昨日曾特首終於願意在立法會上進行問題，雖然明顯只是一場「Show」，卻也贏得不少「愚民」的同情；有人話：「邊個做特首都係咁架啦，香港咁多問題，點解決得哂，最後咪又係中央話事。」大佬呀，你明唔明而家討論緊既問題係咩呀？解決唔到香港問題就要官商勾結？中央話事就要學埋人地貪污個套？咩道理？又有一班人話：「好慘 lor，咁多人蝦個幾十歲既阿伯。」什麼時候開始，香港人覺得做錯事是有分年齡限制的？ 做錯事最起碼也要道歉吧，如果因為年紀大就由佢，咁同話小朋友細所以做錯事唔緊要，唔駛教有咩分別？難怪現今充斥著這種港童吧！

其實將事情看得再簡單一點，既然一早知道所謂的「守則」是對特首無效的話，為什麼不一早提出修訂呢？明知做錯，為什麼要說是市民要求提升呢？市民曾經接受過貪污腐敗的政府嗎？「無事獻恩勤，非奸即盜也。」這句話是不會錯的。